الملتقي الادبي / تفاعيل
قطع العلاقــات / الشاعر زيد بن مسفر
يا دارنـا ما عاد نبغي علاقات
ــــــــــ مع الذي ينفث عليـنا شروره
بالقول والا الفعل هيهات هيهات
ـــــــــ وبشوتنا تستر على كل عوره
ما بيننا ويّاه طـيب و مروّات
ـــــــــ ولا بيننا حلف و روابط مجوره
ما بيننا غير الرهاف الصقيلات
ـــــــــ اللي تغمد بين خــده وزوره
وفي ساحة البحرين شاف البطولات
ــــــــ أبطال زايد معهم اخوان نوره
جته الرجال اللي حياض المنيّات
ــــــــ يردونها كنهم على لعب كـوره
من فعلهم ضاعت عليـه الحسابات
ـــــــــ الروس تفصل والدمي امهدوره
دمٍّ حمر , ما هو بلطم وشعارات
ــــــــ في حضرة المهدي وكذبة ظهوره
واليوم شفناها خلايا و آفـات
ــــــــ واذنـاب تتشكل على كل صوره
وما دامها وصلت لبثّ الاشاعات
ــــــــ ما عاد فيها يا النشامى مشوره
ما عاد فيها غير ظهر المعدّات
ــــــــ الجيش جاهز و الرجال مخبوره
ملّوا من المجلاس وسط البركسات
ــــــــ وصدورهم عند الملاقى جسوره
يبغون يومٍ فيه للفعل هدّات
ــــــــ وكلٍ على ما قيل يندب طيوره
وبايمانهم يرفع شعار الإمارات
ـــــــ من فوق طنب وفوق موسى الغيوره
ويا دارنا ما عاد نبغي علاقات
ــــــــ مع الذي ينفث علينا شـروره
بالقول والا الفعل هيهات هيهات
ـــــــــ وبشوتنا تستر على كل عوره
الشاعر / زيد بن مسفر
عضو ملتقى الأدب الشعبي
(4 قراءة )
| 