الملتقي الادبي / تفاعيل

أخوك من كثر التعب تثقل عليه عمامته / حمود بن وهقة

الليل / والغـــربة / وقلّ الربع / وعيال الحرام !
والحزن ، غطّى هـ المدينة ، وأمطرت غمامته

والكتب / وهموم الدراسة / والشقى / والالتزام !
نصحى قبل ما الفجر يطلق فـ المدى " حمامته "

يا زين أذان الفجر للمغرب ، وخوفي من الظلام
الليل / يـا ثـقـله على نفـسي ... ويا جسامته

يا شين (ليل المغترب) لامن تضـايق ، ماينــام..
يحسد عيون العالم اللي : مـا تضــيق ونامته ..!

يتـذكّر أهـله / ويتـنهّد حـزن / ويهـلّ الغمام /!/
يا غير ، يخفي دمعـته – خوف الرجال الشامته

عـزاه: كـل اللي بقى له " كم شهـر وكـم عـام "
ويــزفّ لأبوه الخبر ،،، ويجدّد ابتســامتــه ...!

عزاه : " ربّي يوفقك " من فمّ أمّه .. يا سلاااااام
إذا تذكّرهــا بوســـط الحزن ،،، يرفع هامته ...

عزاه/كل غرّة شهـر يرجع عـقب طول الصيام
وأمّه تضــمّــه ... واتحمّـد له على سـلامته ....

يا وليدي شحالك؟! بخير إمّاه،، عـايش بانتـظـام
ولو شافته وشلــون عايش غربته .. ما لامته ...!

يا وليدي شحالك؟! بخير إمّاه ،، وأحـــوالي تمام
ما تدري إنّي فـ بعـدها ،، صدري تقـوم قيامـته !

تمرّ يوميـني .. شــرات الريح .. وأرجــع للركام
تمرّ يوميني .. وعندي حـلم .. تكـبــر قامتـه

إنّي أكون إني أكون ،، وآه لو يجـدي الكـلام ....
ما كان أرداني الزمن .. وأبكاني بصرااااامته  ....

مريض ،،وأحـس بألم ،، والربو:خلّاني حطام ...
سنين وآنا أكـــحّ .. وأدفع للــزمن غرامته..!

يا فهد : سلّمنا عليك .. اش فيـك ما تردّ السلام ؟!
أخوك من كثـــر التعب ..." تثقل عليه عمامته "

تعبت / متمــسك بخيط الصبر .. والدنيـا حسام
وتعبت / أسولف للمـرايا .. والمـرايا ( صامته(

وتعبت أبدّل لي السكن ،، مثـل البدو أهل الخيام ..
وهـذا رديّ أطباع / و أما ذاك يا شهـامتـه ....

ما فيه هذا بلا أصل ،، أو ذاك من نسـل الكرام !
كلّ يمثّل نفـسـه .... وكلّ يجمّل " شامته " ....

لك صــاحبٍ ما يعتزي ،، بأفعال أخوال وعمــام ..
واللي يقـول : أنـا أنـا ..! هذا فقـد كراااااااامته

والشعر ما هو للرجــل هيبة .. ولا حـتى وسام ..!
في وقــت فيه الشاعر يقاس ..." بمدى وسامته "

وبه شاعرٍ عاش العمر : شـحّات رزقه فـ الزحام
أحدٍ عطاه ،، وأحــدٍ يســبّه ،، ويقفل جامته .....!

يالله لطفك يوم نأوي القــبر وتذوب العظااااااام ..
والعبد ما ينفعه غيـر " الفعل " ،، واستقـامتـه

نبغى العفو واللطف ونكابر على فعــل الحــــرام
والحسنة تشيد القصـر ... والسـيئة هـدّامته ...//

إيه والله إنّي مرهق من العــام / وينك يا منام ؟!
والحال ،ويش الحال؟؟ يا بؤسه ، ويا سقامته ...

وإيه والله إني لو شعرت بضيق ،، بهل الغـمام
ولا علي من النقيدة ..... والرجــال الشـامته ...!!

الشاعر / حمود بن وهقة

عضو ملتقى الأدب الشعبي